DUCHSCHER, André: Franz Pinell : Drama a' fenf Akten (Bd. 18)

15,00 
zzgl. MwSt.

Dem André Duchscher (1840-1911) säin Theaterstéck Franz Pinell, dat 1899 als Buch erauskoum, erzielt vun de proletareschen Onrouen an zwou Fabriken Enn vum 19. Jorhonnert zu Lëtzebuerg.

Menge

Dem André Duchscher (1840-1911) säin Theaterstéck Franz Pinell, dat 1899 als Buch erauskoum, erzielt vun de proletareschen Onrouen an zwou Fabriken Enn vum 19. Jorhonnert zu Lëtzebuerg. Et spillt an enger Zäit, an där d’sozial Fro politesch debattéiert gëtt an d’ganzt Gesellschaft betrëfft. An esou diskutéieren an agéiere Fabriksbesëtzer, Deputéiert, Actionnairen, Dokteren, Wiertsleit, Serveuren, Aarbechter, Mammen a Kanner am Stéck. D’Aarbechter ginn fir d’éischte Kéier an der Lëtzebuerger Literatur differenzéiert duergestallt: de Verféierer, deen d’Rhetorik vun der politescher Propaganda auswenneg kennt, de qualifizéierten Aarbechter, den Handwierker, dee säi Betrib huet missen opginn an deen an den neie Fabriken net eens gëtt, den einfachen Aarbechter oder deen, dee seng Famill net méi kann ernähren. De Franz Pinell erzielt d’Sozialgeschicht vun der Aarbecht ëm 1900.

En 85-säitege Kommentar vum Claude D. Conter stellt den André Duchscher als Schlësser, Fabrëkbesëtzer, Buergermeeschter an als Auteur vun Theaterstécker an Eechternoacher Sprooch. D’Sozialdrama Franz Pinell gëtt virgestallt als e Stéck, dat den Ufank vun der moderner Literatur zu Lëtzebuerg signaliséiert. Et gëtt diskutéiert, wéi den André Duchscher d’Iddi vun der Revolutioun, vum Proletariat a vun der sozialer Fro am Stéck versteet. Nieft engem Bléck op d’Entstehungs- a Wierkungsgeschicht gëtt och diskutéiert, ob dat Stéck e Beispill fir e Lëtzebuerger Naturalismus ass.

De Band huet 237 Säiten an 29 Illustratiounen.
Duchscher, André: Franz Pinell. Drama a’ fenf Akten.Virgestallt a kommentéiert vum Claude D. Conter. Mersch:Centre national de littérature 2012.
ISBN:978-2-919903-97-9

32
441 Artikel

Technische Daten

Hauteur:
22 cm
ISBN:
978-2-919903-97-9
Auteur:
DUCHSCHER, André
Editeur:
Centre national de littérature
Langue:
Luxembourgeois
Publié:
2012
Nombre de pages:
237