SCHACKO KLAK – BILLER AUS DER KANDHEET (1935-1945)

schacko klak – biller aus der kandheet (1935-1945) ass dem Roger Manderscheid (1933-2010) säin éischte Roman op Lëtzebuergesch. En ass 1988 dräi Joer nom Guy Rewenig sengem Roman Hannert dem Atlantik bei den Éditions Phi erauskomm. Am Mëttelpunkt vun der Handlung steet de Chrëscht Knapp, deen an 32 Kapitele vu senger Kandheet zu Izeg an de Jore virun a wärend der Nazi-Okkupatioun a vu senger éischter Léift , dem Jhuliett Reiter, verzielt. De Roman zeechent e Portrait vun deem, dee »Blatzkueder«, »Jeizi« oder »Toxi« genannt gëtt, op zwee Erzielniveauen, op der enger Säit aus der Perspektiv vum Véierjäregen, op där anerer aus der Siicht vum 56-Järegen, deen zanter 20 Joer zu West-Berlin wunnt, an d'Vergaangenheet a Bréiwer un d'Jugendfrëndin reflektéiert.

Spilldauer: 10 Stonnen an 20 Minutten