Ënnerwee uechter d’Land

Besuch um Wudderhaff , dem Tit Schroeder säin éischt Theaterstéck, dat opgefouert gouf, war e gellegen Erfolleg, wéi et den 28. November 1961 ënnert der Regie vum Eugène Heinen am Stater Theater inszenéiert gouf. An et sollt och dem Tit Schroeder virbehale sinn, wéi den Neien Theater 1964 seng Dieren opgemaach huet, datt nees e Stéck vun him gespillt gouf. D’Pöltches Famill oder De Pöltches Bärend a seng Leit huet de 15. Abrëll 1964 Première gefeiert. Déi zwee Stécker waren net nëmmen an de 1960er Joren erfollegräich, si sinn och spéider nach dacks gespillt ginn. An dësem Band sinn dem Tit Schroeder seng Theaterstécker elo fir déi éischte Kéier zougänglech gemaach ginn. Virun allem gëtt dem Tit Schroeder säin éischt Stéck, Den Här Breedewee geet freien (1960), fir déi éischte Kéier publizéiert.

Beim Buch ass eng CD dobäi mat Gedichtvertoununge vum Fernand Koenig, Pit Nimax a Jos Schaartz a mam Koméidistéck Useldinger erëm doheem vum Jemp Schuster.