Renert oder de Fuuss am Frack an a Ma'nsgrësst (CD)

Dem Michel Rodange säin Renert ass eng Adaptatioun vum Reineke Fuchs vum Goethe. Aus den 12 Gesäng vun der Virlag, ass a 14 Gesäng en eegestännegt Wierk entstanen, dat virun dem geschichtlechen Hannergrond vun den Krisejoren 1867 bis 1871 spillt. D‘Déieren, déi bekannte Lëtzebuerger Perséinlechkeeten duerstellen, schwätzen ënnerschiddlech lokal Mondaarten. Renert ass eng schaarf Kritik un de politeschen a soziale Mëssstänn an der Lëtzebuerger Gesellschaft. De Michel Rodange monéiert z.B. déi deemoleg Schmelzhäre mat hirer Raffgier an déi politesch Muechthaber am In- an Ausland, déi eenzeg an eleng op hire perséinleche Virdeel aus sinn.